പൊന്നാപുരം കോട്ട
സംഗീതം :ദേവരാജന്‍
രചന :വയലാര്‍
ആലാപനം :പി മാധുരി
നളചരിതത്തിലെ നായകനോ?
നന്ദനവനത്തിലെ ഗായകനോ?
അഞ്ചിതള്‍ പൂക്കള്‍ കൊണ്ടമ്പുകള്‍ തീര്‍ത്തവന്‍
ആവനാഴിനിറയ്ക്കുന്ന കാമദേവനോ?
നളചരിതത്തിലെ നായകനോ?....
ജാനകീപരിണയപ്പന്തലിലെ സ്വര്‍ണ്ണ
ചാപം മുറിച്ചൊരു ശ്രീരാമനോ?
ചിത്രാംഗദനെന്ന ഗന്ധര്‍വ്വനോ?
യുദ്ധപര്‍വ്വത്തിലെ ധനഞ്ജയനോ?
അനിരുദ്ധനോ അവന്‍ അഭിമന്യുവോ എന്റെ
അഭിനിവേശങ്ങളേ വിരല്‍തൊട്ടുണര്‍ത്തിയ കാമുകനോ
കാമുകനോ?
നളചരിതത്തിലെ നായകനോ?(പല്ലവി )
അങ്കണപൂമുഖക്കളരികളില്‍ പൂഴി-
യങ്കം പയറ്റിയ ചേകവനോ
കച്ചകള്‍മുറുക്കിയ കോമപ്പനോ
തച്ചോളിവീട്ടിലെ ഉദയനനോ?
രണവീരനോ അവന്‍ യുവധീരനോ എന്റെ
രഹസ്യമോഹങ്ങളേ കുളിര്‍കൊണ്ടു മൂടിയ കാമുകനോ
കാമുകനോ?
(പല്ലവി )
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ