കുമാരസംഭവം
സംഗീതം :ദേവരാജന്‍
രചന :ഒ എന്‍ വി കുറുപ്
ആലാപനം :യേശുദാസ്
പൊല്‍ത്തിങ്കള്‍ക്കല പൊട്ടുതൊട്ട ഹിമവല്‍
ശൈലാഗ്രശൃംഗത്തില്‍
വെണ്‍കൊറ്റപ്പൂങ്കുടപോല്‍ വിടര്‍ന്ന
വിമലാകാശാന്തരംഗങ്ങളില്‍
നൃത്യധൂര്‍ജ്ജടി ഹസ്തമാര്‍ന്ന
തുടിതന്നുത്താള ഡുംഡും രവം
തത്വത്തിന്‍ പൊരുളാലപിപ്പു മധുരം
സത്യം.. ശിവം .. സുന്ദരം
സത്യശിവസൌന്ദര്യങ്ങള്‍ തന്‍
ഭദ്രപീഠമീ ശൈലം ശിവശൈലം
സത്യശിവസൌന്ദര്യം.......
ആദിയുഷസ്സുവിടര്‍ന്നൂ ഇവിടെ
ആദിമനാദ തരംഗമുണര്‍ന്നൂ
പ്രപഞ്ചദര്‍ശന മൂല്യങ്ങള്‍തന്‍
പ്രഭാത ദീപമുണര്‍ന്നൂ ഉണര്‍ന്നൂ ഉണര്‍ന്നൂ
സത്യശിവസൌന്ദര്യങ്ങള്‍ തന്‍
ഭദ്രപീഠമീ ശൈലം ശിവശൈലം
സത്യശിവസൌന്ദര്യം.......
ആദിമഹസ്സുതെളിഞ്ഞൂ ഇവിടെ
ആനന്ദാമൃത ഗംഗയുണര്‍ന്നൂ
തപസ്സമാധിദലങ്ങള്‍ വിടര്‍ന്നൂ
താണ്ഡവകേളിയുണര്‍ന്നൂ
ഉണര്‍ന്നൂ ഉണര്‍ന്നൂ...
സത്യശിവസൌന്ദര്യങ്ങള്‍ തന്‍
ഭദ്രപീഠമീ ശൈലം ശിവശൈലം
സത്യശിവസൌന്ദര്യം....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ