അശ്വമേധം
സംഗീതം :ദേവരാജന്‍
രചന :വയലാര്‍
ആലാപനം :പി സുശീല
ഏഴു സുന്ദര രാത്രികള്‍
ഏകാന്ത സുന്ദര രാത്രികള്‍
വികാര തരളിത ഗാത്രികള്‍
വിവാഹ പൂര്‍വ്വ രാത്രികള്‍...ഇനി
മാനസ സരസ്സില്‍ പറന്നിറങ്ങിയ
മരാള കന്യകളേ മനോഹരാംഗികളേ
നിങ്ങടെ പവിഴച്ചുണ്ടില്‍ നിന്നൊരു
മംഗളപത്രമെനിക്കു തരൂ
ഈ പൂ ഇത്തിരി പൂ പകരമീപൂവു തരാം
(എഴു സുന്ദര)
വാസര സ്വപ്നം ചിറകുകള്‍ നല്‍കിയ
വസന്ത ദൂതികളേ വിരുന്നുകാരികളേ
നിങ്ങടെ സ്വര്‍ണ്ണ തളികയില്‍ നിന്നൊരു
സംഗമദീപമെനിക്കു തരൂ
ഈ പൂ ഇത്തിരി പൂ പകരമീപൂവു തരാം
(എഴു സുന്ദര)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ