തോക്കുകള്‍ കഥ പറയുന്നു
സംഗീതം :ദേവരാജന്‍
രചന :വയലാര്‍
ആലാപനം :യേശുദാസ്
പ്രേമിച്ചു പ്രേമിച്ചു നിന്നെ ഞാനൊരു
ദേവസ്ത്രീയാക്കും
കാടായ കാടുകള്‍ മുഴുവന്‍ ഞാനൊരു
കതിര്‍മണ്ഡപമാക്കും
(പ്രേമിച്ചു)
ആയിരമുമ്മകള്‍ കൊണ്ടു നിന്നെ-
യൊരോമന പൂവാക്കും(2)
ഞാനതിന്‍ പല്ലവപുടങ്ങള്‍ക്കുള്ളിലെ
മാണിക്ക്യ മുത്താകും
(പ്രേമിച്ചു)
ആലിംഗനത്തില്‍ മൂടി നിന്നെയൊ-
രാലോല രോമാഞ്ചമാക്കും
ഞാനതിന്‍ പീലിത്തിരുമുടി ചാര്‍ത്തിയ
വേണു ഗായകനാകും
(പ്രേമിച്ചു)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ